عيادتك منظمة من أول حجز لحد آخر جنيه في الخزنة
الحجز أونلاين، الدور على موبايل المريض وعلى شاشة الاستراحة، الكشف والروشتة بصوتك، والفواتير والإيصال الإلكتروني. والبرنامج بيمشي على طريقة شغلك انت.
الشغل اليومي مش لازم يبقى كده
قبل تليفون العيادة مبيبطلش رن علشان الحجز
دلوقتي المريض يحجز من لينك العيادة في دقيقة، والحجز ينزل في الجدول لوحده.
قبل الاستراحة زحمة وكل شوية حد يسأل «دوري إمتى؟»
دلوقتي كل مريض معاه لينك فيه رقمه وكام واحد قدامه، والشاشة بتنادي بالرقم.
قبل مرضى بينسوا ميعاد الإعادة ومبيرجعوش
دلوقتي تذكير على واتساب قبل الميعاد، وقائمة بكل متابعة لسه محدش حجزها.
قبل آخر اليوم الحساب مبيقفلش
دلوقتي كل جنيه داخل أو خارج متسجل في خزنته، وتقفيل اليوم جاهز.
كل الشغل في مكان واحد
تعرف مين وصل ومين جوه ومين خلص، من غير ما تسأل
السكرتارية والدكتور شايفين نفس القائمة لحظة بلحظة. زرار للوصول، وزرار للكشف، وزرار للفاتورة.
- حجز بمواعيد محددة أو بالدور برقم وحد أقصى لليوم
- مريض جه من غير حجز يتضاف في ثانيتين
- شاشة انتظار على أي تلفزيون بتنادي بالرقم وبالصوت
- أكتر من فرع، وكل فرع بمواعيده وخزنته ومخزنه
العيادة بتشتغل زي ما انت متعود
كل عيادة ليها نظامها. اختار من الإعدادات وكل الشاشات تمشي عليه.
- الكشف يتدفع أول ما المريض يوصل، أو بعد الكشف
- التمريض يقيس الضغط والوزن قبل ما المريض يدخل
- دكتور لوحده من غير سكرتارية: شاشة واحدة لليوم كله
- حجوزات الأونلاين تستنى تأكيدك لو حابب
- روشتة A5 أو A4، بالعربي أو بالإنجليزي
نموذج كشف على مقاس تخصصك
خانات الرمد غير خانات الجلدية غير خانات العلاج الطبيعي. ركّب نموذج تخصصك بضغطة أو اعمل نموذجك، واملي الكشف بصوتك.
- نماذج جاهزة لـ 12 تخصص، وتقدر تعدّل فيها
- القيم اللي برا المعدل بتتعلّم لوحدها
- روشتة النظارة بتطلع من قياس النظر
- الأدوية بتتكمل من اللي بتكتبه دايماً بنفس الجرعة
مخطط الأسنان ومنحنى النمو ومتابعة الحمل
السجلات اللي بتعيش مع المريض سنين، مش مع كشف واحد.
- مخطط أسنان بالضغط على السنة والسطح، وخطة علاج بعرض سعر وأقساط
- منحنى نمو الأطفال على جداول منظمة الصحة العالمية، والتطعيمات بمواعيدها
- متابعة الحمل بعمر الحمل وميعاد الولادة وجدول الزيارات والسونار
- متابعة التبويض في علاج تأخر الإنجاب
كل واحد عارف دوره، والاستراحة هادية
شاشة على أي تلفزيون فيه متصفح بتنادي الرقم اللي عليه الدور، وكل مريض معاه لينك على موبايله فيه رقمه وكام واحد قدامه.
- الشاشة بتفتح من لينك، من غير برنامج يتسطب
- نداء بالصوت لما الدكتور يدخل المريض
- كارت لكل دكتور بالرقم اللي جوه واللي بعده
- لينك الدور بيتبعت مع رسالة تأكيد الحجز والتذكير
وحاجات تانية كتير
واتساب
تأكيد الحجز والتذكير ورسالة المتابعة، بضغطة من موبايل العيادة أو تلقائي مع WhatsApp Business.
التأمين
سعر التعاقد بيطلع لوحده، وطلب الموافقة من الحجز، والمطالبة الشهرية جاهزة.
تقييمات المرضى
بعد الكشف المريض يقيّم زيارته، واللي مبسوط بنطلب منه يكتب تقييم على جوجل.
صفحة حجز باسم عيادتك
بلونك وشعارك، وتعرف كل حجز جه من فيسبوك ولا جوجل ولا تيك توك.
الحجوزات على موبايل الدكتور
حجوزات كل دكتور بتظهر في Google Calendar أو تقويم الآيفون.
باقات الجلسات
المريض يدفع مرة ويستخدم الجلسات على مراحل.
أسئلة بتتسأل كتير
الإملاء الصوتي بيفهم العامية؟
أيوه، بيفهم العربي المصري مع أسماء الأدوية والأمراض بالإنجليزي. والنتيجة بتملأ الخانات بس، والدكتور بيراجع قبل الحفظ.
الواتساب بيتبعت إزاي؟
من أول يوم: البرنامج يجهز الرسالة والسكرتارية تبعتها من موبايل العيادة بضغطة. ولو عندك WhatsApp Business API نربطه والتأكيد والتذكير يتبعتوا لوحدهم.
ينفع مع دكتور لوحده من غير سكرتارية؟
أيوه. فعّل «دكتور لوحده» من طريقة العمل، وهتلاقي شاشة واحدة فيها النداء والكشف والتحصيل والطباعة.
عندي معمل أو أشعة جوه العيادة؟
شغّل وحدة المعمل أو الأشعة من الإعدادات، والدكتور يطلب التحاليل والأشعة من الكشف والنتيجة ترجعله.
شغّال لكل مكان طبي
جرّبه على عيادتك 14 يوم
من غير فيزا ومن غير تسطيب. ولو مناسبكش، نزّل كل بياناتك في ملف واحد وامشي.