سياسة الخصوصية
آخر تحديث: 2026-10-21
«كشوفات» خدمة إلكترونية لإدارة الأماكن الطبية، بيشغّلها كشوفات. المكان (العيادة أو المركز أو المستشفى أو المعمل أو مركز الأشعة أو الصيدلية) هو صاحب بيانات مرضاه والمسؤول عنها، واحنا بنحفظها ونعالجها نيابة عنه ولتشغيل الخدمة بس، طبقاً لقانون حماية البيانات الشخصية رقم 151 لسنة 2020.
البيانات اللي بنحفظها
بيانات الحساب (الاسم والبريد والموبايل)، وبيانات المكان، وكل اللي موظفين المكان بيسجلوه: بيانات المرضى والزيارات والروشتات والنتائج والتقارير والفواتير والملفات المرفوعة. البيانات الصحية بيانات حساسة، والمكان مسؤول عن موافقة مرضاه على تسجيلها.
مين بيشوفها
موظفين المكان بس، كل واحد حسب الصلاحيات اللي بيحددها مدير المكان، وكل تعديل متسجل باسم اللي عمله. مش بنبيع البيانات ولا بنستخدمها في إعلانات ولا بنشاركها مع حد، غير لو القانون ألزمنا.
الخدمات اللي بنستعين بيها
- Cloudflare: تشغيل الموقع وقاعدة البيانات (في أوروبا) وتخزين الملفات وتحويل الصوت لنص في الإملاء.
- Anthropic: معالجة الإملاء والأوامر الذكية، لو المكان شغّلها بس. ومش بيستخدم البيانات في تدريب النماذج.
- Meta (واتساب): رسائل التأكيد والتذكير، لو المكان ربط حساب WhatsApp Business بتاعه بس.
- مصلحة الضرائب المصرية: الإيصال الإلكتروني، لو المكان مسجّل فيه بس.
ولو المكان شغّال على سيرفر عنده، البيانات بتفضل على جهازه.
المدة والمسح
بنحتفظ بالبيانات طول ما المكان مشترك. مدير المكان ينزّل كل البيانات في ملف واحد من الإعدادات في أي وقت، ولو طلب مسحها بنمسحها من أنظمتنا خلال 30 يوم، والنسخ الاحتياطية بتتمسح لوحدها بعدها.
لو حصل اختراق
لو حصل حادث أمني أثّر على بيانات مكان، هنبلغه في أقرب وقت ونقوله اللي حصل واللي عملناه.
حقوق المريض
المريض اللي عايز يطلع على بياناته أو يصححها أو يمسحها يتواصل مع المكان اللي بيتعالج فيه، والمكان بيعمل ده من البرنامج.
الكوكيز
بنستخدم كوكيز للدخول ولتذكر اللغة بس. مفيش كوكيز إعلانات أو تتبع.